SODADE DE CABO VERDE
Letra e música de
Vuca Pinheiro
'N tem sodade
de São Vicente, Mindelo,
Rua de Lisboa,
Praça Nova e Porto Grande !
'N ta sonhâ
co Djabraba florida,
mudjer bonita,
quês morna sabe e serenata !
Vulcão de Fogo,
tudo sê força,
orgulho de Djarfogo;
nôs Santo Antão,
celeiro de nôs terra;
Maio e Boavista,
praias douradas !
Lá na Santiago,
Cidade Velha,
origem de nôs 'stória;
São Nicolau,
berço de nôs cultura;
sala de visita
é lá na Sal !
Nôs morabeza,
quel nôs riqueza,
é nôs dom mas precioso;
nôs serenata,
cantâ cretchêu
na mágua ou na bonança;
nôs sentimento
'stâ 'spelhado
na quês verso imortal
de nôs morna;
no tem B. Leza,
Manel D'Novas,
Jotamont e Nhô Tatai !
Nôs tradição,
no ta guardal
co tudo devoção;
quês moreninha,
ai qui sodade
de quês m'nininhas d'Licéu,
na fim de tarde
ês ta passeâ na Praça;
fim de semana
tem futebol na Vázea;
tem Matiota
e vapor na baía;
é Cabo Verde querida,
nôs terrinha encantada !
'N tem 'sperança
de um dia voltâ nha terra !
|
-
Available soon!...
|
