List of compositions
NEM CU MANDOCO - Coladeira
30" Sample
(Vuca Pinheiro)
TÓ ALVES - Voz
Nha coraçon midi parâ,
Ma el ta bai mi ‘n tâ ficâ,
Sem bu amor mi ‘n ca tâ bai,
Sem um olhar, sem bu flâ’m “sim”.
Nho São Pedro ‘stâ cu mi,
Nhor Deus flâ’m pâ’m crêbo tcheu,
Pâ’m ninâbu, pâ’m bejâbu,
Pâ’m amâbu antes di ‘m bai.
Mi ‘m sabê qui ‘m ‘stâ sofrê
Ma ‘m ca tâ dixâbu um só minuto,
Nem cu tranco, nem cu manduco,
Mi ‘m ca crê bai antes di bó.
Bo tem um perfume qui tâ fazê’m sunhâ cordado,
Es bo ternura di minina na flor di idade,
Maçãs de bo rosto ta iluminâ nhas passo errante,
Bo frescura juvenil, ai mi ‘m ca crê bai sem bu amor
Ami ‘m ca crê bai sem provâ bu amor,
Calor di bu pêto, aconchêgo di bu ragaz,
Ami ‘m ca crê bai sem falâbu na ouvido,
Sem contâbu nhas mágua, sem partilhâ di bos alegria.
TERRA DE EUGÉNIO - Morna
30" Sample
(Vuca Pinheiro)
PIDUCA SILVA - Voz
Si na terra di Eugénio ta cantado morna,
Si na nôte di luar tem serenata,
Si na pêto di cretcheu tem segredo guardado,
Ta fazê’m um sodade nês coração “estrangeirado”.
“Força Di Cretcheu”, é quel marca di Eugénio,
“Na Caminho Di Djabraba”, quel hino di Juloca,
“’N Crebo Fora Di Marca”, qui Rodrigo flâ,
“Nossa Senhora Di Monte”, di Rosa e Raul,
Nu tem “Mal De Amor” e “Mudjer Bonita”,
“Cretcheu Na Paz” é “Lei Di Deus”,
“Qui ’Mportâ’m La” cuzê qui mundo flâ,
Na “Djabraba” é sim quel é, “É Sim Quel Ta Fazêdo”.
INIGMA DI BO SORRISO - Morna
30" Sample
(Vuca Pinheiro)
BANA - Voz
Dixâ’m ter fé
na inigma d’bo sorriso,
iludido na bo ciso,
perdido na nhas pensamentos de narciso.
Pâ bo dâ’m bos momentos,
pâ no trocâ sentimentos,
na hora qu’m ta ‘spiabo
pâ’m oiâ quel brilho na bo olhar.
Fazê’m sintí
inspiração de um poeta,
e certeza de profeta,
pâ’m podê soltâ ês grito de alerta.
Entre um sonho, um ideal,
num entrega total,
pâ’m ser amor perfeito,
flôr más querido de bo jardim.
Di bos lábios doce ‘n crê um bêjo
na midida d’nhas desêjo.
Di bo ternura di minina
um meiguice e um abraço na surdina.
Dês nha vida ingrato ‘n t’ofertâbo
tudo paixão dês nh’alma ‘scrâbo.
Pa no vivê na som d’violino,
na calor d’benção divino.
CABO VERDE DI NÓS - Funaná Lento
30" Sample
(Vuca Pinheiro)
CALÚ BANA - Voz
Cabo Verde di nós, nós doce torrão,
Dêz ilhas fundiado na mar di morabeza,
Balcão di sodade e di nós tradição,
Nós tudo cantâ’l cu tudo grandeza.
Verdianos di quarto quadrantes
nu bem djuntâ tudo,
Nu bem djuntâ môm
nu fazê’l terra di Nhor Deus,
Pa bedjo cu nôbo xintado
Ta pássa experiências di bida,
Crianças pa tem qui cumê,
Pa jovens construí sês futuro,
Sem padja nem fogo, cu libro e ruspêto,
Pamôdi ês é quê leme di nós terra.
Côr é pigmento maldito,
Raça, invenção di nós cabeça,
Social, ficâ na fundo baú,
Nós tudo é irmôm di nascença,
Nês encruzilhada di vento leste,
Sodade e tradição ê nós ventura.
Verdianos di quarto quadrantes
nu bem djuntâ tudo,
Nu bem djuntâ môm
nu fazê’l terra di Nhor Deus,
Pa bedjo cu nôbo xintado
Ta pássa experiências di bida,
Crianças pa tem qui cumê,
Pa jovens construí sês futuro,
Sem padja, cu libro, cu ruspêto,
Pês t’óbi consedjos di sês mãe,
Na môm di Nhor Deus nós futuro,
Pa nu xintí orgulho di nós terra.
CATIVA - Morna
30" Sample
(Vuca Pinheiro)
PIDUCA SILVA - Voz
Não, câ b’ofusca’m ês nha sina,
não, câ bu dixa’m nês incerteza,
oiâ vida sem luz, distino cego,
é fonte sem ago, corpo sem alma.
Oiâ c’mâ Sol tâ ‘mprestâ dia sê formosura,
assim c’mâ Lua tâ trazê note sê esplendor,
na nha vida faltâ luz di bus odjos
pâ bem florescê’m nha alma.
‘N tem ‘sperança, ‘m tem fé d’odjabo um dia,
na altar florido di nhas sonhos e fantasias,
ser nha rainha, radiante de alegria,
dja’m tembo cativa dentro di nha coração.
Amor cu djeto, amor dibagarinho
‘n tem guardado só pâ bô, nha flor querida,
dabo nha peto pâ bu bem fazê bu ninho,
bu ser di meu pâ’m ser di bó,
nôs coração ‘stâ prisionero.
DOR E PRANTO - Morna
30" Sample
(Vuca Pinheiro)
ARMANDO DE PINA - Voz
'N bá pâ céu papiâ co Deus,
leval nha dor, nhas sentimento,
pidil co tudo devoção
pel protegem ês coração
cansado de tanto sofrê.
Pel amparam nês martírio,
pel bem ninam co carinho,
pel levam perto di nha cretcheu,
pam ba tiral di sê dor,
pam ba amal co ardor,
pam trazel pâ nha ninho.
Mar, separação, nós destino,
bô é quê nha dor, nha perdição,
mar, ês martírio di cretcheu,
dôr e pranto na partida,
sofrimento na distância.
LINGA D'MUNDE - Coladeira
30" Sample
(Vuca Pinheiro)
ANÍBAL - Voz
Ês linga d’munde
na nós terra é um flagel.
Ês ta d’zê tude,
sem cantiga, sem paralel.
Bisbilhotâ
até linga tropeça’s na dente,
até Sol cambâ,
Lua entristecê, munde envelhecê.
Ês linga d’munde
ta ‘sgrovetâ só quel quê suje.
Ês ta pô lume,
ês gatchâ na concha de caramuje.
Ês ta riolâ,
ês sabê trocâ verde pa maduro,
na sês matematica,
dois e dois é cinco, noves fora um.
Ora quês tch’gâ, sorriso aberto,
ma sê’s corpinho ta requebrâ,
se bô ca t’mâ cuidode c’bô vidinha,
ês ta degolabo,
ês ta pôbo n’antena de sês radinho.
NA INCONTRO DI MAR - Morna
30" Sample
(Vuca Pinheiro / Teobaldo Virgínio)
JUDITE PINHEIRO - Voz
Povo mas bonito ka tinha inda,
povo mas sabe na inkontro di mar,
na tenpo, na luta e na dor,
Kabo Verde ki ben pa ka morrê.
Na mei di pó, na mei di vento,
xintido moda minino,
el-é poeta, el-é kantor,
di mundo ke-l negado.
Txorá di sede é ka finjide,
kantá d’amor só el sabê.
Di madrugada ô note fitxado,
sê lus é Deus, sê txon é mãe.
Perguntá strela, perguntá Séu
pamode el fazedo asin:
Txorá di sede na mei di mar,
kantá d’amor pa sê kretxeu!
OS MEUS 20 ANOS - Samba
30" Sample
(Vuca Pinheiro)
TOI PINTO - Voz
Hoje acordei com saudades
dos meus vinte anos,
eu era moço de sonhos alados,
alma inconformada.
A irmandade sem ódio,
sem nódoa, sem inveja,
de raça negra, amarela, vermelha,
branca ou côr-de-rosa.
Tudo num só labutar,
numa só caminhada,
o coração transbordando de amor
e caboverdeanidade.
Quero ver renascer
em nossos corações
ruas e avenidas,
enfeitadas de sonhos,
conduzindo o Verdeano
ao amor fraternal.
A criançada brincando,
cheia de ilusões,
acalentando sonhos,
sem temer o amanhã,
lendo livros de encanto
e amor imortal.
A juventude engajada
num projecto ideal
de estrutura global.
Quero Carlos e Pedros
empunhando a bandeira
da união nacional.
ERMUM DI PÊTO - Mazurca
30" Sample
(Vuca Pinheiro / Deodato Silva)
QUIRINO DoCANTO - Voz
Di ontonti pâ hoji ‘n ‘stâ pôquentado
Trôca d’um dinhêr qui’n atchâ na carça,
Sês da’m el na sono, Joana ta contâ’n,
Qui ‘sperto é ês qui crê chuchâ cu mi !!!
Oh rapaz ratôrco gardâ bu dinhêro
Pamó só nha pôco ta fazê’n contenti,
Bu dinhêro é lumi dento di nha bôrso,
Bu amizadi é farso simâ tchuba bento.
Ca tratâ’n di pobri, oh fidjo Nhór Deus,
Ca bendê’n riqueza na prêço coitado,
Mi’n ca lôro frôxo, nem vinho-vinagri,
Nem bu ar di rico ta cumprâ Djarfogo!
Pa qui ês vingança, nha êrmum di pêto,
Dja qui na nós casa ca ficâ ninguêm,
Hoji nós guenti ‘stâ na tchon ‘nterrado,
E é ca bu dinhêro qui ta tirás di côba.
M'NINE D'MANDODE - Samba
30" Sample
(Vuca Pinheiro)
PIDUCA SILVA - Voz
De pena na môn,
ar d’importante
e coraçon de manteguêro,
o quê que bô sabê
é complicâ nôs vida sabe.
Burocrata bô é,
camaleão,
bô tem más côr que arco-íris,
já nô ca podê más
c’bôs entrave e bôs tracolança.
‘Tchâ nôs vive ma nôs pobreza,
nô ca mestê motive d’tristeza,
o quê que nô crê
é saber d’nôs povo ma sês franqueza.
Nô crê vive com merecimente,
no ca mestê bôs doutoramente,
Cabo Verde é d’nôs,
ca tem lugar pa m’nino d’mandode.
SÚPLICA D'UM EMIGRANTE - Morna
30" Sample
(Vuca Pinheiro)
PIDUCA SILVA - Voz
‘M d’châ nha terra querida
pâ’m dâ nhas sonho um asa d’vento,
‘m d’châ cretcheu na partida
pâ’m garanti’l um f’turo risonho.
‘M oiâ lágrimas na rosto
enrugado daquel que dâ’m vida,
‘m d’châ nha pôvo resignado
ta labutâ pâ um vida am’djôr.
Oh Deus la na Céu
instruí’m c’bós mandamento,
preservâ’m ês nha sonho
bo fazê’m êl realidade.
Norteâ’m nhas passo
nês terra cheio d’encruzilhada,
fazê’m oiâ na cada esquina
um rastro de felicidade.
Oh pôvo resignado
t’mâ c’paciência ês bo destino,
ês mundo é um vai-vem
de desventura e de bonança.
Irmão emigrante
Guardâ Cabo Verde na coração,
ca bo ‘squecê dês terra sem chuva,
de morabeza e vento leste.
VIRGINDADE - Coladeira
30" Sample
(Vuca Pinheiro / Deodato Silva)
CARLOS DIAMANTINO - Voz
Ês bu corpinho di pavão
‘Sta ta aumentâ ês nha maldade,
Ma s’el purbâ ês ilusão,
Êl ta gritâ di ansiedade.
Hoje nha pó ficâ sem nó,
Só cu odjo na bu virgindade,
Êl ‘sta ta djobêbo sem cansêra,
Simâ um chucho trás di alma.
Um dia bu tchumâ’n di minino,
Di bico tapado, bontade mariado,
Ma hoje ês home tenêbo detado
Cu odjo aberto simâ um anjinho.
JUVENTUDE FUGAZ - Canção
30" Sample
(Vuca Pinheiro)
LUTCHINHA - Voz
Na noite se abrigam paixões,
tantas emoções, tanta coisa afinal,
confissões ardentes à luz d’um olhar,
vontades libertas, sem restrições.
Na tela, sonhos e fantasias,
cheios de promessas de uma vida irreal,
embebida em façanhas de um folhetim vulgar,
e os livros à sombra, idéias vazias.
Deus, é preciso guiar e entender
essa juventude fugaz,
esse lastro, esse leme do amanhã.
E é preciso gerir emoções,
entender e encurtar gerações,
mais fervor em nossos corações,
para que então o amor floresça.